എ സര്‍ട്ടിഫിക്കറ്റ്‌ പുരാണം എം.വേണു, മുംബൈ
പുരാണങ്ങളില്‍ രാജാക്കാന്മാരുടെ നാല്‌ ചീത്ത വ്യസനങ്ങള്‍ പരാമര്‍ശിക്കുന്നു:-
1. നായാട്ട്‌
2. മദ്യപാനം
3. ചൂതാട്ടം
4. നാരികളോടുള്ള വിഷയാസക്തി
മഹര്‍ഷിമാര്‍ വര്‍ഷങ്ങളോളം തപസ്സ്‌ ചെയ്താണ്‌ മനസ്സിനെ കീഴടക്കുന്നത്‌. എന്നാല്‍ താഴെ പറയുന്ന പുരാണകഥനങ്ങളില്‍ നാലാമത്‌ പറയുന്ന വ്യസനം മഹര്‍ഷിമാര്‍ക്കു കൂടി ബാധകം ആണെന്നു ഉല്ലേഖനം ചെയ്യുന്നു. വേദവ്യാസനോ, വാല്‍മീകിയോ ഉത്തരം പറയട്ടെ...പരശുരാമ മഹര്‍ഷിക്ക് സത്യവതി എന്ന മുക്കുവ കന്യകയില്‍ അനുരാഗമുണ്ടായി തോണിയില്‍ വെച്ചു ജനനീതനായ,മഹാഭാരത കര്‍ത്താവായ, വേദങ്ങളെ വസിച്ച വേദവ്യാസനെ ധ്യാനിച്ചു തന്നെ തുടങ്ങട്ടെ..
" അസുരരാജാവായ രാവണന്‍ ബാലാല്‍സംഗം ചെയ്ത അപ്സരപ്സ സ്ത്രീകള്‍ - പുംജികസാല, നളകുബേര പത്നിയായ രംഭ."
" ഇന്ദ്രപുത്രനായ ജയന്തന്‍ കാക്കയുടെ രൂപത്തില്‍ വന്ന്‌ സീതയുടെ സ്തന മധ്യത്തില്‍ കൊത്തി മുറിവേല്പ്പിച്ചു. "
" രാവണ പിതാവായ പുലസ്ത്യ മഹര്‍ഷി വേദം ഉച്ചരിച്ചു കൊണ്ടിരുന്നപ്പൊള്‍ തൃണബന്ദുവിന്റെ മകള്‍ക്ക്‌ ഗര്‍ഭം ഉണ്ടായി. അങ്ങിനെ ഗര്‍ഭവസ്ഥയില്‍ തന്നെ ശ്രേയസ്സുള്ള കാര്യങ്ങള്‍ കേട്ടതിനാല്‍ ശിശുവിന്‌ വിശ്വശ്രവസ്‌ എന്ന പേരു ലഭിച്ചു. "
" ഗൗതമ മുനിയുടെ പത്നിയായ അഹല്യയെ ദേവേന്ദ്രന്‍ പ്രാപിച്ചു. മുനിശാപം നിമിത്തം ഇന്ദ്രന്‍ സഹസ്രഭഗനായി. (ശരീരത്തില്‍ ആയിരം യോനി. പിന്നീട്‌ അവ കണ്ണുകളായി മാറി.) പാവം അഹല്യയാകട്ടെ, ശിലയായി, ശാപമോക്ഷത്തിനായി, ശ്രീരാമന്റെ പാദസ്പര്‍ശനത്തിനായി കാത്തു കിടന്നു.."
" ഋഷരജസ്സ്‌ എന്ന വാനരന്‍ ഒരു മാന്ത്രിക പൊയ്കയില്‍ കുളിച്ചു കയറിയപ്പോള്‍ ഒരു സുന്ദരിയായി മാറി. ദേവേന്ദ്രനും, സൂര്യനും ആ സുന്ദരിയില്‍ ആകര്‍ഷകരായി അവരെ പ്രാപിച്ചു. ഇന്ദ്രന്റെ ബീജം 'ബാല' (മുടി) യില്‍ വീണതില്‍ നിന്നും ബാലി ഉണ്ടായി. സൂര്യന്റെ ബീജം 'ഗ്രീവ' (കഴുത്ത്‌) ത്തില്‍ വീണതില്‍ നിന്നും സുഗ്രീവനുണ്ടായി."
"കാശിരാജാവായ വിചിത്രവീര്യന്റെ പുത്രിമാരായ അംബയും അംബാലികയും. സന്തോല്‍‌പ്പാദനത്തിനു മുന്വു തന്നെ വിചിത്ര വീര്യന്‍ മരിച്ചു. അമ്മയായ സത്യവതിയുടെ ആഗ്രഹ പ്രകാരം അവരുടെ കന്യാപുത്രനായ വ്യാസമഹര്‍ഷി അംബികയില്‍ ധൃതരാഷ്ട്രരേയും, അംബാലികയില്‍ പാണ്ഡുവിനേയും ഒരു ദാസിപ്പെണ്ണില്‍ വിദുരരേയും ജനിപ്പിച്ചു. അംബിക കണ്ണടച്ചു കിടന്നതിനാല്‍ അവരില്‍ ജനിച്ച ധൃത രാഷ്ട്രര്‍ ജന്മനാ അന്ഡനായി. വ്യാസനെ സ്പര്‍ശിച്ചപ്പോള്‍ അംബാലിക വിവര്‍‌ണ്ണയായതിനാല്‍ അവരില്‍ ജനിച്ച പാണ്ഡു ജന്മനാ പാണ്ഡു വര്‍‌ണ്ണമുള്ളവനായി.."
"കിമന്ഡന്‍ എന്ന മുനി മാനിന്റെ വേഷത്തില്‍ മൈഥുനം ചെയ്തുകൊണ്ടിരിന്നപ്പോള്‍, പാണ്ഡു രാജാവ്‌ വേട്ടയില്‍ ആ മുനിയെ വധിച്ചു. മരണസമയത്ത്‌ നീയും മൈഥുന സമയത്ത്‌ തന്നെ മരിക്കട്ടെ എന്ന്‌ ആ മുനി ശപിച്ചു. പിന്നീട്‌ പാണ്ഡു രാജന്‍ വനത്തില്‍ പത്നിയായ മാദ്രിയുമായി സംഭോഗത്തിലേര്‍‌പ്പെടുന്വോള്‍ മരിച്ചു. കൂടെ മാദ്രിയും.."
"ഭരധ്വജ മുനിക്ക്‌ ഘൃതാചി എന്ന അപ്‌സരപ്‌സിനെ കണ്ടപ്പോള്‍ ശുക്ലശ്രവണമുണ്ടായി. അദ്ദേഹം അത്‌ ഒരു ദ്രോണത്തില്‍ (കുടം) സൂക്ഷിച്ചു. അതില്‍ നിന്നാണ്‌ ഗുരു ദ്രോണാചാര്യര്‍ ജനിച്ചത്.."
"അഗ്നിയുടെ പത്നി സ്വാഹ (പാര്‍‌വതിയുടെ രൂപം) സപ്തര്‍ഷികളില്‍ ആറു പേരുടേയും ഭാര്യമാരുടെ വേഷത്തില്‍ അഗ്നിദേവനെ (പരമശിവന്റെ രൂപം) സമീപിച്ച് രതിക്രീഡകളില്‍ ഏര്‍‌പ്പെട്ടു. അഗ്നി ആറു ഭാര്യമാരിലും സ്ഖലിച്ച ശുക്ലത്തെ അവള്‍ ഒരു ഹോമകുണ്ഡത്തിലാക്കി. അതില്‍ നിന്നു ജനിച്ച സ്കന്ഡന്‌ ആറു തലയുണ്ടായതിനാല്‍ അറുമുഖം എന്നറിയപ്പെട്ടു. ആറു മാതാക്കളാല്‍ പരിസേവിതനായി ആറു മുലകള്‍ ഒരേ സമയം കുടിച്ചതു കൊണ്ട്‌ ഷണ്‍‌മുഖം എന്ന പേരുണ്ടായി. തൃത്തിക (ലോകമാതാക്കള്‍) അമ്മമാരായതു കൊണ്ട്‌ കാര്‍ത്തികേയന്‍ എന്ന പേരും കിട്ടി.രുദ്രനായ അഗ്നിയിലും ഗൗരിയായ സ്വാഹയിലും ചേര്‍ന്ന്‌ ഉണ്ടായതു കൊണ്ട്‌ സുബ്രമണ്യന്‍ എന്ന പേരു വന്നു."
"സൂര്യന്റെ തീക്ഷ്ണ തേജസ്സ്‌ സഹിക്കാനാകാതെ ഭാര്യ സംഞ്ജ ഒരു പെണ്‍കുതിര (ബഡവ) യുടെ വേഷത്തില്‍ കാട്ടില്‍ അലയുകയായിരുന്നു. ഇത്‌ അറിഞ്ജ സൂര്യന്‍ തേജസ്സ്‌ രാകി കളഞ്‌ കുതിരയുടെ രൂപത്തില്‍ തന്നെ അവളുടെ സമീപത്തു ചെന്ന്‌ മൈഥുനത്തില്‍ ഏര്‍‌പ്പെട്ടു. പരപുരുഷനെന്നു കരുതി
സംഞ്ജ സൂര്യന്റെ ശുക്ലം നാസാദ്വാരത്തിലൂടെ തുമ്മി പുറത്താക്കി. അതില്‍ നിന്നും ദേവന്മാരുടെ വൈദ്യന്മാരായ അശ്വിനീദേവന്മാരുണ്ടായി. അശ്വരൂപമെടുത്ത്‌ ജനിപ്പിച്ചിതിനാല്‍ അവര്‍ അശ്വിനികളായി"..
മഹാഭാരതം യുധ്ദത്തിനു ശേഷം കുരുക്ഷേത്രത്തില്‍ ചിതറിക്കിടക്കുന്ന ശവശരീരങ്ങളെ എഴുത്ത്ച്കന്‍ വര്‍‌ണീച്ചിരിക്കുന്നത് :-
"സംഭോഗതാത്നരായ് ഭോജനേത്രന്മാര്‍..
കുംഭസ്തനാന്തരെ വീണുറങ്ങും പോലെ.."
മഹാഭാരതത്തില്‍ സ്ത്രീയെ കുറിച്ചുള്ള വിശേഷണം:
"പിതാ രക്ഷിതേ കൗമാരേ,
പതി രക്ഷിതേ യൗവനേ,
പുത്ര രക്ഷിതേ വാര്‍ധ്ദക്യേ,
ന: സ്ത്രീ സ്വാതംത്ര്യമഹര്‍തീ.." (ഇനി പറയുക, മനുസ്മൃതി കത്തിക്കണോ..?)
****************************************************************************
മലയാളം സഹായി
Showing posts with label കഥയും കാര്യവും. Show all posts
Showing posts with label കഥയും കാര്യവും. Show all posts
Tuesday, June 19, 2007
Sunday, June 10, 2007
അശ്വത്ഥാമാ പ്രവാസി
അശ്വത്ഥാമാ പ്രവാസി
എം.വേണു, മുംബൈ
“ജീവിത വര്‍ഷത്തോളം നീ ഈ ലോകത്തില്‍ എന്നും, എങ്ങും, ഒരാളേയും സംസര്‍ഗം ലഭിക്കാതെ, നിസ്സഹായാനായി, ജനസാന്ദ്ര മരുപ്രദേശത്തില്‍ ചുറ്റി കറങ്ങും. ഹേ ക്ഷുദ്ര പ്രവാസീ, നിനക്ക്‍ ആള്‍ക്കൂട്ടത്തില്‍ എങ്ങും ഒരു ഇരിപ്പിടം കിട്ടുകയില്ല. വിയര്‍‌ത്തൊലിച്ച ഷര്‍‌ട്ടും പപ്പാസുമിട്ട്‌ വരഞ്ഞും, കരഞ്ഞും, കോറിയും, തട്ടിയും, മുട്ടിയും, കരിപുരണ്ട മേല്‍‌വസ്ത്രങ്ങളോടേ നട്ടും, ബോള്‍‌ട്ടും മുറുക്കി മേലാള വ്യാഘ്രങ്ങള്‍ ഗര്‍ജിക്കുന്ന സിമന്റു കാട്ടിലൂടെ, സര്‍വവ്യാധികളൊടും കൂടി, അവസാനം തൊഴില്‍‌രഹിതനായി നാട്ടിലെ പണിതീരാത്ത വീട്‌ പൂകുന്വോള്‍ നാട്ടുകാരാലും, വീട്ടുകാരാലും വെറുക്കപ്പെട്ട്‌, അപഹാസ്യനായി, ഹേ, അശ്വത്ഥാമാ പ്രവാസി, നീ വീണ്ടും, അലഞ്ഞുകൊണ്ടേ ഇരിക്കും...”
...മഹാഭാരത്തോട്‌ കടപ്പാട്‌......
******
Saturday, February 17, 2007
ബോണ്‍സായി
ബോണ്‍ സായി കഥ എം.വേണു, മുംബൈ
നഗരത്തിലെ രണ്ടു വണിക്കുളുടെ സന്തതികള്‍ ആണ്‍ ചെക്കനും, പെണ്മണിയും, മാവുലി കോട്ടയില്‍ വാലന്‍ റ്റീന്‍ ദിവസം ഒത്തുകൂടാന്‍ എത്തി. അവര്‍ നഗരത്തിന്റെ തിരക്കില്‍ നിന്നും രക്ഷപ്പെട്ട് ഒറ്റപ്പെട്ട സര്‍ഗനിമിഷങ്ങളെ തേടി എത്തിയതാ‍യിരുന്നു. കൂര്‍ത്ത കരിങ്ങല്‍ ചീളുകളും ഇരണ്ടല്‍ മുള്‍ചെടികളും ഇടയിലൂടെ ചരിഞ്ഞ കുന്നിന്‍പുറങ്ങള്‍ കയറി, ഇരുണ്ട കല്‍ചുവരുകളും, കല്പടുവകളും നാലുപുറവും അടങ്ങിയ ഒരു കോട്ടകൊത്തളത്തിന്റെ നടുവില്‍ അവര്‍ എത്തി. പെണ്‍സന്തതി തളര്‍ന്നു കിതച്ച് ഒരു ഒഴിഞ്ഞ കോണിലെ കല്പടവില്‍ കൈ നിലത്തു കുത്തി ഇരുന്നു. കൂടെ ആണ്‍സന്തതിയും. ഹെയര്‍ബണ്‍ ഊരി, മൈലാഞ്ചിമുടി തോളറ്റം വരെ ഉതിര്‍ത്തി. ആണ്‍ ഇണയുടെ മടിയില്‍ തല വെച്ച്‌ വിശ്രമിച്ചു.
ആണ്‍ തരിയാകട്ടെ, ഷോള്‍ടര്‍ ബാഗില്‍ നിന്നും കാസ്രൊളിന്റെ കരിയര്‍ പുറത്തെടുത്തു. കോഴിക്കറിയുടെ വാട പരന്നു. റൊട്ടി കുഴല്‍ രൂപത്തിലാ‍ക്കി കോരികുടിച്ചു വെട്ടി വിഴുങ്ങി. പെണിണയുടെ വായില്‍ ചിക്കന്‍ റോളുകള്‍ വെച്ചു കൊടുത്ത് ഊട്ടി. ഒരു കാലക്ഷേപം പോലെ അവളുടെ മോണകള്‍ ചലിച്ചു. അപ്പോഴേക്കും ആണിണ ബിയര്‍ ടിന്‍ തുറന്ന്‌ നുരപ്പാടുകള്‍ വദനത്തിലുണ്ടാക്കി, അവളുടെ തുറന്ന വായിലേക്കും ഒഴിച്ചു കൊടുത്തു.
പെണ്‍‌വണിക്കിന്‍ സന്തതിയുടെ മുകളിലേക്കുയര്‍ന്ന ടോപ്പിന്റെയും, കുടുസ്സായി അരയില്‍ ഒട്ടികിടന്ന ജീന്‍സിന്റെയും ഇടയിലുടെ ഇര വിഴുങ്ങിയ ചേരപ്പാന്വിന്റെ പൊലെ വിജ്രുംഭിച്ചുയര്‍ന്ന വയറില്‍ ആണ്‍‌തരി ഷണ്ഡത്വത്തോടെ തലോടി. ചന്ദ്രകിരണങ്ങള്‍ അവരെ തഴുകി പോയി.
ആ സമയം അവരുടെ രണ്ടു വണിക്കിന്‍ പിതാക്കള്‍ വ്യാപാരം കഴിഞ്ഞ് കടപൂട്ടി വീട്ടിലെത്തി. വീടിന്റെ പൂമുഖത്ത്‌ വിസ്ത്രുതമായ പ്ലാസ്റ്റിക് ചട്ടിയില്‍ ദുര്‍ബലമായ വേരുകളെ താങ്ങി നിന്ന ബോണ്‍ സായി ചെടികളിലെ കായ്ക്കാത്ത ഫലങ്ങളെ നോക്കി അവര്‍ നെടുവീര്‍പ്പിട്ടു.
*****
ബോണ്‍സായികവിത
എം.വേണു, മുംബൈ
ഡീലക്സ് മാളികവീട്ടില്‍ ഷവര്‍ നീരാട്ട്‌ മുറികള്‍
എയര്‍ കണ്ടീഷണ്ട്‌ ശയ്യാഗൃഹങ്ങള്‍
വികാലാംഗത്തിലും അപഹാതിത്തിലും ഉപയോഗമുള്ള
വെസ്ടേണ്‍ ടൊയ്‌ലറ്റുകള്‍
അവയെല്ലാം മാറി മാറി പങ്കിടുന്ന
മാതുവമ്മയുടെ മരുമങ്കമാരും പിന്നെ
അവരുടെ ദിനചര്യകള്‍ ചിട്ടപെടുത്തുന്ന
ടീവീ സൈറ്റുകള്‍ സ്റ്റീരിയോകള്‍
പോരാതെ മോഡുലാര്‍ കിച്ചണും
വാല്യക്കാരന്‍ കൊച്ചനും
ചിക്കനും, പിസയും, ഹോട്ട് ഡോഗും
ഫ്രിഡ്‌ജിലാണെങ്കിലും
അണുകുടുംബ സീനിയര്‍ മാതുവമ്മക്ക്
ഇപ്പോഴും കഞ്ഞിതന്നെ മെനു.
സന്തതികളോടുതുവാന്‍ പരാതിയില്ല,
കുശലം പറയാന്‍ മൊബൈലുണ്ട്‌ പക്ഷെ,
വിറയുന്ന വിരലുകളാല്‍ റേഞ്ചു കിട്ടുന്നില്ല.
പൂമുഖചട്ടിയില്‍ ജീവിച്ചുതീരുന്നു
തണലേകാത്ത ബോണ്‍സായികള്‍ .
*****
Subscribe to:
Posts (Atom)
